Навбатдаги йиллик умумий йигилиш утказиш тугрисида

“APEX BANK” АЖ акциядорлари ДИҚҚАТИГА!

ҲУРМАТЛИ АКЦИЯДОРЛАР!

“APEX BANK” акциядорлик жамияти (кейинги ўринларда – Банк) акциядорларининг навбатдаги йиллик умумий йиғилиши 2026 йил 30 июнь куни, Тошкент шахар, Миробод тумани, Содиқ Азимов кўчаси, 77-уй манзилида жойлашган Банкнинг биносида бўлиб ўтади.

Йиғилиш соат 15:00 да бошланади. Акциядорларни руйхатга олиш соат 14:30 дан бошланади. Навбатдаги йиллик умумий йиғилиш ўтказиш учун Банк акциядорларга хабар бериш реестри 2026 йил 08 июнь санасига ва Умумий йиғилишда иштирок этиш хуқуқига эга бўлган акциядорлар реестри 2026 йил 24 июнь ҳолатига тузилади.

Банкнинг электрон почтаси ва веб сайти манзили: info@apexbank.uz, www.apexbank.uz.

КУН ТАРТИБИ:

1. Банк Саноқ комиссияси таркибини тасдиқлаш;

2. Акциядорлар умумий йиғилишининг регламентини тасдиқлаш;

3. Банк Кенгашининг 2025 йил якуни бўйича ҳисоботини эшитиш;

4. Банк Бошқарувининг Банкнинг 2025 йил молия-хўжалик фаолияти натижалари бўйича ҳисоботи ва банк фаолиятининг 2026 йилги асосий вазифаларини тасдиқлаш;

5. Банкнинг 2025 йил учун йиллик ҳисоботи, бухгалтерия баланси ҳамда фойда ва зарарлар тўғрисидаги ҳисоботини тасдиқлаш;

6. Банкнинг 2025 йил якуни бўйича соф фойдаси ва зарарини тақсимлаш;

7. Банк Бошқарув раисини тайинлашни кўриб чиқиш;

8. Банкнинг 2026 йил молия-хўжалик фаолияти якунлари бўйича мажбурий аудиторлик текширувини ўтказиш учун мустақил аудиторлик ташкилотини тасдиқлаш ва унинг хизматлари учун тўланадиган ҳақнинг энг кўп миқдорини белгилаш;

9. Банкнинг эълон қилинган акцияларнинг энг кўп миқдорини белгилаш;

10. Банкнинг уставига ўзгартириш ва қўшимчалар киритиш;

11. Банкнинг кундалик хўжалик фаолиятини юритиш жараёнида аффилланган шахслар билан тузиши мумкин бўлган битимлар рўйхатини маъқуллаш;

12. Банкнинг 2026–2029 йилларга мўлжалланган узоқ муддатли ривожланиш стратегиясини тасдиқлаш;

13. Банкнинг ички низомларини тасдиқлаш.

Акциядорлар навбатдаги йиллик умумий йиғилишда шахсини тасдиқловчи ҳужжат ва ёзма шаклда тузилган ишончнома асосида қатнашади, юридик шахс номидан берилган ишончнома қонун хужжатларда белгиланган тартибда, жисмоний шахс номидан берилган ишончнома нотариал тасдиқланган бўлиши керак.

Акциядорлар навбатдаги йиллик умумий йиғилиши ўтказиш бўйича қўшимча ахборот ва унда кўриладиган масалаларнинг ҳужжатлари биланТошкент шахар, Миробод тумани, Содиқ Азимов кўчаси, 77--уй манзилида жойлашган банкнинг биносига мурожаат қилиш орқали танишишлари мумкин.

Кузатув кенгаши