6. Решения, принятые высшим органом управления эмитента, в том числе решения наблюдательного совета хозяйственных обществ о выпуске акций, корпоративных облигаций и иных ценных бумаг

Bank Kengashi a’zolari Isakov Odilbek Rustamovich va Atadjanov Murodbek Bekberganovichlarning vakolatini muddatidan oldin, ya’ni 2026-yil 05-oktabrdan tugatilsin.

Kumulyativ ovoz berish natijalariga ko‘ra. Bank Kengashida yangi bo’sh bo’lgan o’rinlarga quyidagi a’zolar saylansin: 1. Sergiu Cioclea, Mustaqil a’zo. 2. Ibragimov Zuhriddin Sayfutdinovich, Iqtisodiyot va moliya vazirligi vakili.

O‘zbekiston Respublikasining “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi Qonunining 88-moddasiga muvofiq, Bankning affillangan shaxslari bilan navbatdagi yillik Aksiyadorlarning umumiy yig‘ilishigacha bo‘lgan davrda kundalik xo‘jalik faoliyatini amalga oshirish jarayonida quyidagi bitimlarni tuzishga ruxsat berilsin: - Moliyaviy va g‘aznachilik operatsiyalari: banklararo depozit operatsiyalari va REPO operatsiyalari, xorijiy valyutani sotib olish va sotish (FX), qimmatbaho metallarni (oltin va kumush) sotib olish va sotish, tashqi iqtisodiy faoliyat (TIF) bo‘yicha mijozlar arizalariga asosan konversion operatsiyalar, davlat va boshqa qimmatli qog‘ozlarni sotib olish va sotish, valyuta oldi-sotdi operatsiyalari (TOD, TOM, SPOT), depozitlarni jalb qilish, Nostro va Loro korrespondent hisobvaraqlarini ochish va yuritish, fyuchers, forvard, opsion, svop hamda boshqa hosilaviy moliyaviy instrumentlar (derivativlar) bo‘yicha bitimlar; - To‘lov tizimlari bo‘yicha bitimlar: “SQB BILL” va boshqa tegishli to‘lov tizimlari doirasida xizmatlar ko‘rsatish shartnomalari; - Kredit va depozit operatsiyalari: bosh banklararo bitimlar, kredit shartnomalari, depozit bitimlari; - Bank xizmatlari: hisob-kitob-kassa xizmati, bank kafolatlarini taqdim etish, kreditlash va loyihaviy moliyalashtirish bo‘yicha bitimlar.

Belgilansinki, ushbu qarorning 3-bandida ko‘rsatilgan bitimlarni tuzishda quyidagi shartlarga qat’iy rioya qilinishi lozim: - bitimlar Bank manfaatlarini ko‘zlagan holda bozor shartlari va bozor narxlari asosida, shuningdek Bankning tasdiqlangan bank mahsulotlari shartlari hamda xizmatlari uchun tasdiqlangan tariflariga muvofiq tuzilishi; - bozor shartlari va bozor narxlariga mos kelmaydigan bitimlarni tuzish rejalashtirilgan taqdirda, har bir bitim alohida tartibda Bank Kengashi tomonidan ko‘rib chiqilishi; - har bir bitim bo‘yicha manfaatdorlik xususiyati hamda Bank uchun iqtisodiy samaradorlik Bank Boshqaruvi tomonidan doimiy monitoring qilinishi; - affillangan shaxs bilan tuzilgan bitim natijasida Bankka zarar yetkazilgan taqdirda, Qonunning 90-moddasiga muvofiq aybdor shaxslar yetkazilgan zararni to‘liq qoplash uchun shaxsan javobgar bo‘lishi.

Yirik tavakkalchiliklar (bitta qarz oluvchi yoki o‘zaro bog‘liq qarz oluvchilar guruhi bo‘yicha), ularning jami miqdori Bankning birinchi darajali kapitalining 10 foizi va undan ortig‘ini tashkil etadigan bitimlar “Banklar va bank guruhlarida tavakkalchiliklarni boshqarish tizimiga qo‘yiladigan talablar to‘g‘risida”gi Nizomning (O‘zbekiston Respublikasi Adliya vazirligi tomonidan 2023-yil 18-aprelda 3427-son bilan davlat ro‘yxatidan o‘tkazilgan) 29-bandiga muvofiq qonunchilikda belgilangan tartibda Bank Kengashi ko‘rib chiqishiga kiritiladi.