6. Решения, принятые высшим органом управления эмитента, в том числе решения наблюдательного совета хозяйственных обществ о выпуске акций, корпоративных облигаций и иных ценных бумаг

1. AT “Aloqabank” aksiyadorlarining navbatdan tashqari umumiy yig‘ilishi reglamenti tasdiqlansin.

1. AT “Aloqabank”da “Banklar va bank faoliyati to‘g‘risida”gi O‘zbekiston Respublikasi Qonuniga hamda islomiy moliya standartlariga muvofiq islomiy bank faoliyati yo‘lga qo‘yilsin, AT “Aloqabank”da yoshlar tadbirkorligini qo‘llab-quvvatlash masalalariga mas’ul bo‘lgan Boshqaruv raisi o‘rinbosari lavozimi joriy etilsin, shu munosabat bilan bankning tashkiliy tuzilmasi yangi tahrirda 1-ilovaga muvofiq tasdiqlansin. 2. Bank Boshqaruvi raisi (K.Irisbekova) zimmasiga mazkur qaror ijrosini, shu jumladan yangi tashkiliy tuzilmaga muvofiq shtat jadvalini tasdiqlash hamda tuzilma o‘zgarishi munosabati bilan mehnat qonunchiligi talablariga rioya etilishini ta’minlash vazifasi yuklatilsin. 3. Bank Boshqaruvi raisi (K.Irisbekova) zimmasiga islomiy bank faoliyatini amalga oshirish huquqini beruvchi litsenziyani olish uchun “Banklar va bank faoliyati to‘g‘risida”gi O‘zbekiston Respublikasi Qonunining 20¹-moddasida hamda “Bank faoliyatiga ruxsat berish tartibi va shartlari to‘g‘risida”gi Nizomning 29¹-bandida nazarda tutilgan hujjatlarni shakllantirish va O‘zbekiston Respublikasi Markaziy bankiga taqdim etish vazifasi yuklatilsin.

1. AT “Aloqabank”ning Ustaviga 2-ilovaga muvofiq o‘zgartirish va qo‘shimchalar kiritilsin hamda tasdiqlansin. 2. Bank Boshqaruvi (K.Irisbekova) AT “Aloqabank” tomonidan Oʻzbekiston Respublikasi Markaziy bankining 2020-yil 30-iyundagi 3252-sonli “Bank faoliyatiga ruxsat berish tartibi va shartlari toʻgʻrisida”gi Nizomi talablari doirasida bankda Islomiy moliya faoliyatiga doir xizmatlarni ko‘rsatishni tashkil qilish bo‘yicha litsenziya olish bo‘yicha O‘zbekiston Respublikasi Markaziy bankiga ariza topshirish hamda O‘zbekiston Respublikasi Markaziy banki tomonidan faoliyat yo‘lga qo‘yish bo‘yicha tegishli litsenziya taqdim etilganidan so‘ng, bank Ustaviga kiritilgan o‘zgartirishni o‘rnatilgan tartibda O‘zbekiston Respublikasi Markaziy bankidan ro‘yxatdan o‘tkazilishini ta’minlasin.

1. AT “Aloqabank”ning “Islomiy moliya kengashi to‘g‘risida”gi Nizomi 3-ilovaga muvofiq tasdiqlansin. 2. Bank Boshqaruvi raisi (K.Irisbekova) zimmasiga tasdiqlangan nizomni islomiy bank faoliyatini amalga oshirish huquqini beruvchi litsenziyani olish uchun taqdim etiladigan hujjatlar tarkibida O‘zbekiston Respublikasi Markaziy bankiga taqdim etish vazifasi yuklatilsin.

1. AT “Aloqabank”ning “Islomiy moliya standartlariga muvofiqlik siyosati” 4-ilovaga muvofiq tasdiqlansin. 2. Bank Boshqaruvi raisi (K.Irisbekova) zimmasiga mazkur qaror ijrosini, shu jumladan tasdiqlangan siyosatni islomiy bank faoliyatini amalga oshirish huquqini beruvchi litsenziyani olish uchun taqdim etiladigan hujjatlar tarkibida O‘zbekiston Respublikasi Markaziy bankiga taqdim etishni ta’minlash vazifasi yuklatilsin.

1. AT “Aloqabank”ning islomiy moliya kengashi a’zoligiga vakolatlarini amalga oshirishni boshlagan kundan e’tiboran 3 (uch) yil muddatga quyidagi shaxslar saylansin: – Abiyev Xikmatulla Hasanovich – Imom Termiziy xalqaro ilmiy-tadqiqot markazi manbashunoslik bo‘limi ilmiy xodimi; – Ibragimov Muxammadjon Sharipovich – O‘zbekiston musulmonlari idorasi Fatvo markazi Call-markaz sho‘basi yetakchi mutaxassisi; – Usmani Muhammad Zubair – Jamia Darul Uloom Karachi vitse-prezidenti. 2. Saylangan shaxslar “Bank faoliyatiga ruxsat berish tartibi va shartlari to‘g‘risida”gi Nizomning 77-bandiga muvofiq O‘zbekiston Respublikasi Markaziy banki bilan kelishib olinganidan so‘ng o‘z lavozimlariga kirishadilar va vakolatlarini amalga oshirishni boshlaydilar. 3. Bank Boshqaruvi raisi (K.Irisbekova) zimmasiga saylangan shaxslarni kelishib olish uchun “Bank faoliyatiga ruxsat berish tartibi va shartlari to‘g‘risida”gi Nizomning 107-bandida nazarda tutilgan hujjatlarni mazkur qaror qabul qilingan kundan boshlab 10 ish kuni ichida O‘zbekiston Respublikasi Markaziy bankiga taqdim etish vazifasi yuklatilsin. 4. Bank Boshqaruvi raisi (K.Irisbekova) zimmasiga mazkur qaror ijrosini ta’minlash vazifasi yuklatilsin.

1. AT “Aloqabank”ning islomiy moliya kengashi a’zolari tomonidan ko‘rsatiladigan xizmatlar uchun ularga oylik haq quyidagi eng yuqori miqdorlarda (soliqlar va boshqa majburiy to‘lovlar ushlab qolinguniga qadar) belgilansin: islomiy moliya kengashi raisiga - oyiga 24 000 000 (yigirma to‘rt million) so‘mdan oshmagan miqdorda; islomiy moliya kengashi a’zolariga - oyiga 18 000 000 (o‘n sakkiz million) so‘mdan oshmagan miqdorda. 2. Mazkur qarorning 1-bandida belgilangan eng yuqori miqdorlar doirasida har bir a’zoga to‘lanadigan haqning aniq miqdorini, to‘lov davriyligini va tartibini belgilash bank Bank Boshqaruvi raisi (K.Irisbekova) zimmasiga yuklatilsin. 3. Islomiy moliya kengashining har bir a’zosi bilan alohida fuqarolik-huquqiy shartnoma tuzilsin. Shartnomaning namunaviy shartlari bank Kuzatuv kengashi tomonidan tasdiqlansin; shartnoma bank nomidan Bank Boshqaruvi raisi (K.Irisbekova) yoki u vakolat bergan shaxs tomonidan imzolansin. 4. Bank Boshqaruvi raisi (K.Irisbekova) zimmasiga mazkur qaror ijrosini ta’minlash vazifasi yuklatilsin.