6. Решения, принятые высшим органом управления эмитента, в том числе решения наблюдательного совета хозяйственных обществ о выпуске акций, корпоративных облигаций и иных ценных бумаг

1. Bankning sanoq komissiyasi a’zolari soni uch kishidan iborat bo‘lsin va quyidagi tarkibda tasdiqlansin: Napasov Bunyodbek Rashidbek o‘g‘li – “Open bank” aksiyadorlik jamiyati Yuridik boshqarmasi bo‘lim boshlig‘i, komissiya raisi; Inomov Ilyosbek Ixvoljon o‘g‘li – “Open bank” aksiyadorlik jamiyati Bank apparati etakchi menejeri, komissiya a’zosi; Namozov Shohruh Uchkunovich – “Open bank” aksiyadorlik jamiyati G‘aznachilik boshqarmasi etakchi menejeri, komissiya a’zosi.

2. Aksiyadorlarning yillik umumiy yig‘ilishi reglamenti tasdiqlansin va u quyidagi tartibda tashkil etilsin: ma’ruzalar uchun 15 daqiqagacha vaqt ajratilishi; muhokama va muzokaralar, shuningdek ovoz berish uchun 10 daqiqagacha vaqt ajratilishi.

3.1. Bank Kuzatuv kengashining 2025-yil faoliyati yakunlari bо‘yicha hisoboti 1-ilovaga muvofiq ma’qullansin va tasdiqlansin. 3.2. Bank Kuzatuv kengashi zimmasiga bankning aktivlari, majburiyatlari va biznes reja ijrosini tahlil qilgan holda bank Boshqaruvi faoliyatini muntazam kuzatib borish, hisobotlarini eshitish hamda ushbu to‘g‘risida tegishli qarorlar qabul qilish va ularning ijrosini nazorat qilish vazifasi yuklatilsin.

4.1. Bank Boshqaruvining bankning 2025-yil moliya-xо‘jalik faoliyati natijalari va bank faoliyatining 2026-yil uchun belgilangan ustuvor vazifalari bо‘yicha hisoboti 2-ilovaga muvofiq tasdiqlansin. 4.2. Bank Boshqaruvi zimmasiga bankning biznes-rejasi ijrosini ta’minlash, bank daromadliligi va rentabelligini oshirish vazifasi yuklatilsin.

5. Bankning xalqaro standartlarga muvofiq tayyorlangan 2025-yil moliyaviy hisobotlari va ushbu hisobotlar yuzasidan “Ernst&Young” mas’uliyati cheklangan jamiyati shaklidagi auditorlik tashkilotining berilgan ijobiy auditorlik xulosasi tasdiqlansin.

6. Bankning 2025-yil yakuni bо‘yicha yillik hisoboti (shu jumladan, buxgalteriya balansi, foyda va zararlar hisoboti) 3-ilovaga muvofiq tasdiqlansin.

7.1. Bankining sof foydasi (shu jumladan, 2025-yil yakuni bo‘yicha sof foydasi) taqsimlanmasin. 7.2. Bank Boshqaruvi zimmasiga sof foydani taqsimlashda prudensial normativlar Markaziy bank tomonidan belgilangan talablarga muvofiq boʻlishi hamda ushbu normativlar mazkur taqsimlash oqibatida buzilmasligi holatlariga aniqlik kiritilgandan so‘ng Kuzatuv kengashi tavsiyasi asosida 2025-yil yakuni bo‘yicha olingan sof foydani taqsimlash masalasini aksiyadorlarning keyingi navbatdan tashqari umumiy yig‘ilishi kun tartibiga kiritilishi ta’minlansin.

8. Bankning 2026-yil faoliyatini majburiy auditorlik tekshiruvini o‘tkazish uchun “Ernst&Young” MCHJ shaklidagi auditorlik tashkiloti belgilansin, uning xizmatlariga toʻlanadigan eng koʻp haq miqdori Oʻzbekiston Respublikasi Markaziy bankining rasmiy valyuta kursi boʻyicha 200 000 (ikki yuz ming) AQSH dollarining soʻmdagi ekvivalenti miqdorida etib belgilansin hamda u bilan belgilangan tartibda shartnoma tuzish bank Boshqaruvi zimmasiga yuklatilsin.

9. Bankning affillangan shaxslar ro‘yxati 4-ilovaga muvofiq tasdiqlansin.

10. Aksiyadorlarning keyingi yillik umumiy yig‘ilishigacha bo‘lgan davrda bankning affillangan shaxslari bilan kelgusida bank tomonidan kundalik xo‘jalik faoliyati jarayonida tuzilishi mumkin bo‘lgan bitimlar ro‘yxati 5-ilovaga muvofiq ma’qullansin.

11. Bank tomonidan kun tartibiga qo‘yilgan yirik bitimlarni amaldagi qonunchilik talablariga rioya qilgan holda tuzishga rozilik berilsin va tasdiqlansin.

12.1. Bank Boshqaruvining bank faoliyatini yuritish jarayonida tuzilgan yirik tavakkalchiliklarga oid va boshqa bitimlar yuzasidan hisoboti 6-ilovaga muvofiq tasdiqlansin. 12.2. Bank Boshqaruvi zimmasiga ushbu tuzilgan yirik tavakkalchiliklarga oid va boshqa bitimlar bo‘yicha talablarni va/yoki majburiyatlarni o‘z vaqtida so‘ndirishini va/yoki bajarilishini ta’minlash vazifasi yuklatilsin.

13. Bank Kuzatuv kengashi a’zolariga aksiyadorlarning navbatdagi yillik umumiy yig‘ilishigacha bo‘lgan davrda to‘lanadigan haq miqdori 7-ilovaga muvofiq belgilansin.

14.1. Bankning “Open bank” aksiyadorlik jamiyati Kuzatuv kengashi tо‘g‘risidagi nizomiga hamda “Open bank” aksiyadorlik jamiyati Boshqaruvi tо‘g‘risidagi nizomiga 8-ilovaga muvofiq kiritiladigan o‘zgartirish va qo‘shimchalar tasdiqlansin. 14.2. Ushbu ichki qoidalarga kiritiladigan o‘zgartirish va qo‘shimchalar, bankning Ustaviga kiritilgan o‘zgartirish va qo‘shimchalar O‘zbekiston Respublikasi Markaziy bankida ro‘yxatga olinganidan so‘ng bankda ro‘yxatga olinsin va kuchga kiritilsin.

15. Bank Ustaviga kiritilayotgan 9-ilovaga muvofiq o‘zgartirish va qo‘shimchalar loyihasi aksiyadorlar tomonidan berilgan tavsiyalar inobatga olingan holda qayta ishlab chiqilsin va aksiyadorlarning keyingi navbatdan tashqari umumiy yig‘ilishi kun tartibiga kiritilishi ta’minlansin.

16.1. Bankda islomiy bank faoliyati yo‘lga qo‘yilsin va ushbu faoliyat yuzasidan Islomiy moliya kengashi tashkil etilsin. 16.2. Bank Boshqaruvi zimmasiga bankda islomiy bank faoliyatini amalga oshirish maqsadida O‘zbekiston Respublikasi Markaziy bankining islomiy bank faoliyatini amalga oshirish huquqini beruvchi litsenziyasini olish uchun barcha zaririy chora-tadbirlarni amalga oshirish vazifasi yuklatilsin.

17. Bankda tashkil etiladigan Islomiy moliya kengashi a’zolari 10-ilovaga muvofiq uch yil muddatga saylansin hamda o‘rnatilgan tartibda nomzodlarning tegishli hujjatlari shakllantirilsin va kelishish uchun O‘zbekiston Respublikasi Markaziy bankiga taqdim qilinsin.

18.1. “Open bank” aksiyadorlik jamiyatining Islomiy moliya kengashi nizomi 11-ilovaga muvofiq tasdiqlansin. 18.2. Ushbu ichki qoida, O‘zbekiston Respublikasi Markaziy banki tomonidan bankka islomiy bank faoliyatini amalga oshirish huquqini beruvchi litsenziyasi berilganidan so‘ng bankda ro‘yxatga olinsin va kuchga kiritilsin.

19. Bankning tashkiliy tuzilmasi 12-ilovaga muvofiq tasdiqlansin.