1. "Тошкент" РФБ АЖ устав фонди оддий ҳужжатсиз акцияларни қўшимча чиқариш йўли билан умумий миқдори 27 716 314 226,55 сўмга оширилсин;
2. Ҳар бирининг номинал қиймати 2560 сўм бўлган 10 826 685 дона оддий ҳужжатсиз акциялар чиқарилсин;
3. Мазкур чиқарилишдаги жойлаштириладиган акциялар сони битта акциянинг номинал қийматидан келиб чиққан ҳолда аниқланади ва 10 826 685 донани ташкил этади.
Кўрсатилган акциялар ҳажмига тўғри келадиган умумий миқдори 27 716 313 600 сўмни ташкил этади.
Акциялар умумий миқдорини тенг бутун сонга бўлиб бўлмаслиги сабабли 626,55 сўм миқдорида қолдиқ юзага келади ва у қолдиқ деб эътироф этилсин.
Кўрсатилган фарқ ушбу чиқарилиш доирасида жойлаштирилмайди ва Жамият акцияларининг кейинги чиқарилишлари шартларини белгилашда ҳисобга олиниши лозимлиги белгилаб қўйилсин.
4. Акцияларни жойлаштириши қўшимча чиқарилиш давлат рўйхатидан ўтказилган кундан бошлаб 90 (тўқсон) календар кун ичида амалга оширилсин;
5. Жойлаштириш бошланган сана акциялар чиқарилиши давлат рўйхатидан ўтказилган кундан бошлаб биринчи кун деб белгилансин;
6. Жойлаштиришнинг тугаш санаси акциялар чиқарилишининг охирги акцияси жойлаштирилган кун, лекин акциялар чиқарилиши давлат рўйхатидан ўтказилган кундан бошлаб 90 (тўқсон) календар кундан кечиктирмай белгилансин;
7. Акциялар қимматли қоғозларнинг уюшмаган биржадан ташқари бозорида қонун ҳужжатларида белгиланган тартибда фуқаролик-ҳуқуқий битимлар тузиш йўли билан жойлаштирилиши белгилансин.
Мазкур чиқарилишдаги 10 826 685 дона оддий акциялар Давлат активларини бошқариш агентлигига жойлаштирилсин;
8. Чиқарилган акциялар учун тўлов "Тошкент" РФБ АЖ устав капиталига "Фонд бозори ахборот-ресурс маркази" МЧЖ устав капиталидаги 100 (юз) фоиз улушни баланс қиймати бўйича киритиш йўли орқали пулсиз маблағлар билан амалга оширилиши белгилансин;
9. Акциялар чиқарилиши амалга ошмаган деб эътироф этилган санадан бошлаб икки иш куни мобайнида жамиятнинг www.uzse.uz расмий веб-сайтида, шунингдек қимматли қоғозлар бозорини тартибга солиш бўйича ваколатли давлат органининг www.openinfo.uz расмий веб-сайтида - Корпоратив ахборотнинг ягона порталида эълон қилинсин.
10. Акциялар чиқарилиши амалга ошмаган деб топилган санадан эътиборан ўттиз кун ичида акциялар учун тўлов сифатида олинган маблағлар қонун ҳужжатларида белгиланган тартибда қайтарилиши белгилансин.